Salmos: Chapter 119 (chamorro)

Salmos 119
- 1 MANDICHOSO ayo sija y mangabales gui chalan ni y manmamomocat segun y lay Jeova.
- 2 Mandichoso ayo sija y umadadaje y testimonio�a, yan y umaliligao g�e contodo y corason�ija.
- 3 Magajet na sija ti manmatitinas jafa ni ti tunas; sija manjajanao gui jinanao�a sija.
- 4 Guinin untagojamja ni y finanag�emo para inguesadaje sija.
- 5 O mojon ya ufitme y jinanaojo sija, para juadaje y laymo.
- 6 Ya ayonae ti jumamajlao, yanguin esta jurespeta todo y tinagomo.
- 7 Bae junaejao grasias, yan y tininas y corason, yanguin jueyag y tinas na juisiomo.
- 8 Bae juadaje y laymo; chamoyo sumesendingo.
- 9 Pot jafa y patgon na laje nae unagasgas y jinanao�a? Yanguin jaguesadaje jaftaemano y sinanganmo.
- 10 Jagasja jualiligaojao contodo y corasonjo; chamoyo munaabag gui tinagomo sija.
- 11 Y sinanganmo junaatog gui jalom y corasonjo, para chajo umiisao contra jago.
- 12 Dichosojao O Jeova; fanag�eyo ni y laymo sija.
- 13 Contodo y labiosso jagasja jusangan claro todo y juisio sija y pachotmo.
- 14 Jagasja magofyo gui chalan y testimoniomo; taeg�ije magofyo gui todo y g�inaja sija.
- 15 Bae jujaso y finanag�emo, ya jurespeta y jinanaomo sija.
- 16 Bae jumagofyo ni y laymo sija: ti jumalefa ni y sinanganmo.
- 17 Guefayuda y tentagomo, para jul�l�; ayonae juadaje y sinanganmo.
- 18 Baba y atadogco, ya julie y mannamanman sija gui tinagomo.
- 19 Guajo taotao juyongyo gui tano: chamo naaatog y tinagomo sija guiya guajo.
- 20 Y antijo mayamag pot y minalago�a ni y guaja gui juisiomo sija todo y tiempo.
- 21 Unlalatde y sobetbio sija ni y manmatdito, ni y manabag gui tinagomo sija.
- 22 Nafa�uja guiya guajo y minamajlao, yan y dinespresia; sa jagasja juadaje y testimoniomo.
- 23 Y prinsipe sija locue manmatachong yan manguecuentos contra guajo: lao y tentagomo jajajasoja y laymo sija.
- 24 Y testimoniomo y minagofjo sija yan y taotaojo na p�pagat sija.
- 25 Y antijo mafachet yan y petbos: nal�l�yo jaftaemano y sinanganmo.
- 26 Jusangan claro y jinanaojo sija, ya unopeyo: fanag�eyo ni y laymo sija.
- 27 Natungoyo ni y chalan y finanag�emo sija; ayo nae jusangan y namanman y chechomo sija.
- 28 Y antijo maderite sa macat; nametgotyo jaftaemano y sinanganmo.
- 29 Nasuja guiya guajo y chalan mandacon; ya naeyo, pot y grasiasmo, y tinagomo.
- 30 Jagasja juayeg y chalan y minagajet: y juisiomo jagasja jupolo gui menajo.
- 31 Jusisigue y testimoniomo sija: O Jeova, chamo namamamajlaoyo.
- 32 Bae jufalalag�e y chalan tinagomo sija, yanguin unnadangculo y corasonjo.
- 33 Fanag�eyo, O Jeova, ni y chalan y laymo sija; ya juadaje asta y uttimo.
- 34 Naeyo tiningo, ya bae juadaje y laymo: junggan bae juadaje contodo y corasonjo.
- 35 Nafalofanyo gui chalan y tinagomo, sa ayoyo nae mamagof.
- 36 Namangag guato y corasonjo gui testimoniomo, ya munga gui linatga.
- 37 Bira y atadogco ni guinin manlilie banida; ya nal�t�yo gui jinanaomo sija.
- 38 Nafitme y sinanganmo gui tentagomo, ni y deboto nu jago.
- 39 Bira y minamajlaojo ni y janamaaa�aoyo; sa y juisiomo sija manmauleg.
- 40 Liija na minajalangyo ni y finanag�emo sija: nal�l�yo gui tininasmo.
- 41 Namamaela locue y minaasemo guiya guajo, O Jeova, asta y satbasionmo jaftaemano y sinanganmo.
- 42 Ayo nae uguaja para juope y munamamamajlaoyo; sa juangocoyo ni y sinanganmo.
- 43 Ya chamo todo chumuchule gui pachotto y sinangan y minagajetmo; sa jagasja junangga y juisiomo.
- 44 Ayo nae juadaje y laymo todo y tiempo, para taejinecog yan taejinecog.
- 45 Ya julibre jumanao; sa jagasja jualigao y finanag�emo sija.
- 46 Ya bae jusangan locue y testimoniomo sija gui menan y ray sija, ya ti jumamajlao.
- 47 Ya bae jumagofyo gui tinagomo sija, ni y juguaeya.
- 48 Bae jujatsa julo locue y canaejo sija gui tinagomo sija, ni y juguaeya; ya bae jujaso y laymo sija.
- 49 Jaso y sinangan gui tentagomo, ni y unfatinasyo na junangga.
- 50 Este munamamagofyo gui trinisteco; sa y sinanganmo jagasja munal�l�yo.
- 51 Gogosmachatg�eyo ni y mansobetbio: lao trabia ti juabag guinin y laymo.
- 52 Jagasja jujajaso y juisiomo sija ni y guinin ampmam na tiempo, O Jeova, ya jagasja juconseulan maesayo.
- 53 Jaguotyo y maepe na binibo, sa pot y manaelaye ni y madingo y laymo.
- 54 Y lay sija cantaco sija gui guima anae taotao tumanoyo.
- 55 Jagasja jujajaso y naanmo, O Jeova qui puenge, ya juadadajeja y laymo.
- 56 Este guajayo, sa juadaje y finanag�emo.
- 57 Si Jeova y patteco guinin jusangan na juadaje y sinanganmo sija.
- 58 Jugagao y finaboresemo contodo y corasonjo: magaease nu guajo jaftaemano y sinanganmo.
- 59 Jujaso gui jinanaojo sija, ya jubira y adengjo guato gui testimoniomo sija.
- 60 Inalululayo, ya ti sumagayo, para juadaje y tinagomo sija.
- 61 Y cuetdas manaelaye jafunutyo; lao ti malefayo ni y laymo.
- 62 Bae jucajulo gui tatalopuenge, ya junaejao grasias, sa pot y tinas na juisiomo.
- 63 Guajo gachong ayo sija y manmaa�ao nu jago, yan ayo sija y umadadaje y finanag�emo.
- 64 Y tano, O Jeova, bula ni y minaasemo: fanag�eyo ni y laymo sija.
- 65 Mauleg finatinasmo ni y tentagomo, O Jeova, jaftaemano y sinanganmo.
- 66 Fanag�eyo mauleg na juisio yan tiningo: sa jagasja jujonggue y tinagomo.
- 67 Antes di jutriste, umabagyo; lao pago juadaje y sinanganmo.
- 68 Jago maulegjao, ya unfatinas mauleg; fanag�eyo ni y laymo sija.
- 69 Y sobetbio jafatinas un dinague contra guajo: bae juadadajeja y finanag�emo sija contodo y corasonjo.
- 70 Y corason�ija, manmantica calang sebo: lao jumagofyo ni y laymo.
- 71 Mauleg para guajo, na guinin ninatristeyo; para jueyag y laymo sija.
- 72 Y lay y pachotmo, mauleg�a para guajo, qui ni mit na oro yan salape.
- 73 Y canaemo sija fumatinasyo yan fumajechurayo; naeyo tiningo, para jueyag y tinagomo sija.
- 74 Ayo sija y manmaa�ao nu jago ujalieyo ya ufanmagof; sa jagasja junangga y sinanganmo.
- 75 O Jeova, jutungoja na y juisiomo tunas, yan pot y minagajetmo na unnatristeyo.
- 76 Polo jutayuyutjao ya y minauleg y minaasemo unamagofyo, jaftaemano y sinanganmo gui tentagomo.
- 77 Polo ya ufato guiya guajo y cari�oso na minaasemo sija, para ul�l�yo; sa y tinagomo y minagofjo.
- 78 Polo ya manmamajlao y mansobetbio; sa manapodong yo nu y dinague: lao jujajasoja y finanag�e sija.
- 79 Polo ya umabira iyaguajo ayo sija y manmaa�ao nu jago, yan sija ujatungo y testimonio sija.
- 80 Polo ya fitme y corasonjo gui laymo, ya chajo mamamajlao.
- 81 Y antijo lalango pot y satbasionmo, lao junananggaja y sinanganmo.
- 82 Y atadogco ninalachae pot y sinanganmo mientras ileleco: Ngaean nae unconsuelayo.
- 83 Sa jumuyongyo calang y boteya gui jalom aso; lao trabia ti malelefayo ni y laymo sija.
- 84 Cuanto sija y jaanen y tentagomo? Asta ngaean nae unjusga ayo sija y pumetsisigueyo?
- 85 Y mansobetbio manmanguadog joyo para guajo, ni y ti taeg�ije laymo.
- 86 Todo y tinagomo sija manunas: ayudayo sa sija mapetsisigueyo ni y dinague.
- 87 Canaja malalachaeyo gui jilo y tano; lao ti judingo y finanag�emo sija.
- 88 Nal�l�yo pot y cari�oso na g�inaeyamo, ayo nae juadaje y testimonion pachotmo.
- 89 O Jeova, para taejinecog y sinanganmo fitme gui langet.
- 90 Y minagajetmo gagaegue asta todo y generasion sija; jago plumanta y tano ya sumaga.
- 91 Sija jasisigueja asta pago na jaane jaftaemano y otdenmo; sa todos sija tentagomo.
- 92 Yaguin ti jagas janamagofyo y laymo, jagas malingo ni y trinisteco.
- 93 Ti jumalefa ni y finanag�emo sija para taejinecog: sa pot sija na unnal�l�yo.
- 94 Guajo iyomoyo, satbayo; sa jualiligao y finanag�emo sija.
- 95 Y manaelaye manananggayo para umayulang; lao jugueguesjasoja y testimoniomo sija.
- 96 Guinin julie y uttimon y todo quinabales; ya y tinagomo gosfeda.
- 97 O jafa muna juguaeyo y tinagomo! esteja jinasosoco todot dia.
- 98 Y tinagomo janafanungo�ayo qui enemigujo sija; sa sija siempre infanjajameja.
- 99 Megae�a tiningojo qui todo y maestronomo sija: sa y testimoniomo sija, y jinasojo.
- 100 Manungo�ayo qui y manbijo; sa juadadaje y finanag�emo sija.
- 101 Junapara y adengjo guato gui todo chalan tinaelaye, para juadaje y sinangan.
- 102 Ti jubirayo gui juisiomo: sa jagasja unfanag�eyo.
- 103 Na minames y sinanganmo ni y chinaguijo, junggan mames�a qui y miet para y pachotto.
- 104 Guinin y finanag�emo sija nae ma�uleyo tiningo: enaomina juchatlie todo y chalan mandacon.
- 105 Y sinanganmo y candet para y adengjo, yan manana gui chalanjo.
- 106 Manjulayo ya junafitme na juadaje y tinas na juisiomo sija.
- 107 Gospiniteyo; nal�l�yo, O Jeova, jaftaemano y sinanganmo.
- 108 O Jeova, jutatayuyut jao: chajlao y libren y inefresen pachotto sija, ya fanag�eyo ni y juisiomo.
- 109 Antijo siempre gaegue g�i canaejo; lao ti malelefayo ni y laymo.
- 110 Y manaelaye maplantayeyo laso; lao ti sumujayo gui finanag�emo.
- 111 Juchule erensiaco para siempre y testimoniomo sija; sa sija y minagof y corasonjo.
- 112 Jumangag y corasonjo para jucumple y laymo sija; para taejinecog asta y uttimo.
- 113 Juchatlie y mangaejinaso dobble: lao y tinagomo juguaeya.
- 114 Jago y fanatogco na lugat yan y patangjo: junanangga, y sinanganmo.
- 115 Fa�uja guiya guajo jamyo ni y chumog�e manaelaye: para juadadaje y tinago Yuusso.
- 116 Mantieneyo jaftaemano y sinanganmo, para jul�l�: ya chamoyo na mamamajlao ni y ninanggaco.
- 117 Mantieneyo ya juseguro: ya jurespeta y tinagomo sija siempre.
- 118 Unpolo pot taya todo ayo sija y manaba gui laymo: sa y finababa�ija taebale.
- 119 Unnafa�uja todo ayo sija y manaelaye gui tano calang basula: enao mina juguaeya y testimoniomo sija.
- 120 Y catneco lalaolao pot y maa�ao�a nu jago: ya maa�aoyo ni y juisiomo sija.
- 121 Jufatinas juisio yan tininas: chamoyo dumidingo gui minafa�atsagayo.
- 122 Jago unaseguro y tentagomo para mauleg; chamo pum�polo y sobetbio na unachatsagayo.
- 123 y atadogco yafae pot y satbasionmo, yan pot y tinas na sinanganmo.
- 124 Fatinas gui tentagomo jaftaemano y minaasemo, yan fanag�eyo ni y laymo sija.
- 125 Guajo tentagomoyo; naeyo tiningo, ya jutungo y tinagomo sija.
- 126 Esta tiempo para si Jeova ufachocho: na sija manataebale y laymo.
- 127 Enao mina juguaeya y tinagomo sija, mas qui y oro, junggan, mas qui y fino na oro.
- 128 Enao mina junaguaelaye todo y finanag�emo sa tunas pot todo g�inaja: ya juchatlie y cada chalan dacon.
- 129 Y tinagomo sija mann�manman: enao mina maninadadaje ni y antijo.
- 130 Y binaban y sinanganmo numae manana: jananae tinago�a y manaetiningo.
- 131 Juguefbaba y pachotto, ya sumuspirosyo: sa majalangyo ni y tinagomo sija.
- 132 Birajao guiya guajo, y unmaase nu guajo, taeg�ije y costumbremo ni unfatinas ni ayo sija ni gumaeya y naanmo.
- 133 Naregla y pinecatto ni y sinanganmo: ya chamo na fangagae ninasi�a y jafa na isao guiya guajo.
- 134 Nalibreyo gui chiniguet y taotao, ayo nae juadaje y finanag�emo.
- 135 Nafanina y matamo gui jilo y tentagomo; ya unfanag�eyo ni y laymo.
- 136 Janom sadog manmalalago papa gui atadogco sija sa sija ti maadaje y tinagomo.
- 137 Tunasjao, O Jeova, yan tunas y juisiomo sija.
- 138 Jagasja untago y testimoniomo sija gui tininas, yan minagajetja.
- 139 Y inigojo jalachaeyo, sa y contrariujo sija manmalefa ni y sinanganmo sija.
- 140 Y sinanganmo sengasgas: enao mina jaguaeya y tentagomo.
- 141 Diquiqueyo, ya madespresiayo, lao ti malelefayo ni y finanag�emo sija.
- 142 Y tininasmo taejinecog na tininas ya y tinagomo minagajet.
- 143 Chinatsaga yan pinite sumodayo: lao y tinagomo sija minagofjo.
- 144 Y testimoniomo sija manunas para taejinecog: naeyo tiningo ya jul�l�.
- 145 Umaagangyo contodo y corasonjo; opeyo, O Jeova; bae juadaje y laymo sija.
- 146 Jagasja juagangjao; satbayo, ya juadaje y testimoniomo sija.
- 147 Taftaf�ayo qui y egaan ya umagangyo: junangga guiya jago.
- 148 Y atadogco tafta�a qui y bumela gui puenge para jujajasoja y sinanganmo.
- 149 Jungog y inagangjo jaftaemano y minauleg g�inaeyamo: O Jeova, nal�l�yo, jaftaemano y juisiomo.
- 150 Manjijot ayo sija y tumatitiye y tinaelaye: sija ma�ago gui tinagomo.
- 151 Jago jijot jao, O Jeova; yan todo y tinagomo sija minagajet.
- 152 Pot guinin ampmam na tiempo jutungo y testimoniomo sija, ni y unplanta sija para siempre.
- 153 Jaso y trinisteco, ya nalibreyo; sa ti malefayo ni y laymo.
- 154 Plaitea y causaco, ya nalibreyo ni apasmo: nal�l�yo jaftaemano y sinanganmo.
- 155 Chago y satbasion gui manaelaye, sa ti maaliligao y laymo sija.
- 156 Dangculo y cari�oso na minaasemo, O Jeova, nal�l�yo jaftaemano y juisiomo sija.
- 157 Megae pumetsisigueyo yan contrariujo; lao ti sumususujayo gui testimoniomo sija.
- 158 Julie y fumatinas dinague, ya tristeyo, sa ti maadaje y sinanganmo.
- 159 Jaso jafa muna juguaeya y finanag�emo sija: nal�l�yo, O Jeova, jaftaemano y munamauleg g�inaeyamo.
- 160 Y resumen sinanganmo minagajet; ya cada uno tunas na juisiomo sija gagaegue para taejinecog.
- 161 Y prinsipe sija mapetsisigueyo sin causa: lao y corasonjo maaa�aoja ni y sinanganmo.
- 162 Jumagofyo ni y sinanganmo, taeg�ije y manma�oda dangculo na inamot.
- 163 Jugoschatlie ya juingin y dinague; lao y laymo juguaeya.
- 164 Siete maje gui un jaane jualabajao, sa pot y tinas na juisiomo.
- 165 Dangculo na pas guaja para ayo sija y gumaeya y laymo, ya taya lugat�ija para ufanmatompo.
- 166 O Jeova, jagasja junangga y satbasionmo, ya esta juchog�e y tinagomo sija.
- 167 Y antijo esta jaadaje y tinagomo sija: ya sija mangosyajo.
- 168 Esta juadaje y finanag�emo sija yan y testimoniomo sija; sa todo y jinanaojo mangaegue gui menamo.
- 169 Polo ya y inagangjo ufato jijot gui menamo, O Jeova: naeyo tiningojo jaftaemano y sinanganmo.
- 170 Polo y tinayuyutto ya ufato gui menamo: nalibreyo jaftaemano y sinanganmo.
- 171 Polo y labiosso ya umasangan alabansa sija; sa unfanag�eyo ni y laymo sija.
- 172 Polo ya y jilajo ucanta y sinanganmo: sa todo y tinagomo manunas.
- 173 Polo ya ulisto y canaemo para uinayudayo; sa y tinagomo jagasja juayeg.
- 174 Jagasja majalangyo ni y satbasionmo, O Jeova: ya y laymo minagofjo.
- 175 Palo ya ul�l� y antijo, ya ualabajao: polo ya juisiomo sija uinayudayo.
- 176 Juabagyo, parejo yan y malingo na quinilo: aligao y tentagomo; sa ti malelefayo ni y tiningomo sija.
Salmos

Mateo

Marcos

Lucas

Juan

Hechos
1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

67

68

69

70

71

72

73

74

75

76

77

78

79

80

81

82

83

84

85

86

87

88

89

90

91

92

93

94

95

96

97

98

99

100

101

102

103

104

105

106

107

108

109

110

111

112

113

114

115

116

117

118

119

120

121

122

123

124

125

126

127

128

129

130

131

132

133

134

135

136

137

138

139

140

141

142

143

144

145

146

147

148

149

150
King James Version (kjv)

You should select one of your favourite verses.

This verse in combination with your session key will be used to authenticate you in the future.

Books

Chapters

Verses

This is currently the active session key.

Session Key

Should you have another session key from a previous session.
You can add it here to load your previous session.

Favourite Verse

Salmos 119:

Salmos 119:1

Active

Available Tags

Edit Tag

Create Tag

Salmos 119:1