Juan: Chapter 6 (chamorro)

Juan 6
- 1 DESPUES di manmalofan estesija, mapos si Jesus malag y otro banda y tasen Galilea, na ayo y tasen Tiberias.
- 2 Ya madalalag g�e ni y dangculo na linajyan taotao sa jalie sija y megaegae na se�at ni jafatinas gui manmalango.
- 3 Ya cajulo si Jesus gui un ogso, ya matachong g�ije yan y disipulu�a sija.
- 4 Ya jijot y guipot pascua, guipot y Judio sija.
- 5 Ya anae tumalag jilo si Jesus, jalie na guaja mamamaela para iya g�iya, un linajyan na taotao, ileg�a as Felipe: Manu nae tafanmamajan pan para ufa�ocho este sija?
- 6 Jasangan este para uchague g�e; sa g�iya tumungo jafa ufatinas.
- 7 Manope si Felipe: Dosiento na denario na pan, ti ufannajong para cada uno guiya sija ufa�ule didide.
- 8 Yleg�a nu g�iya, uno gui disipulu�a sija, Andres, chelun Simon Pedro:
- 9 Un patgon gaegue g�ine na guaja sinco pan sebada yan dos g�ijan na diquique: Lao jafa na estesija, gui entalo y este na minegae?
- 10 Yleg�a si Jesus: Nafanason y taotao. Ya megae na chaguan gaegue g�ije na lugat, ya manason y taotao, cana sinco mil na lalaje.
- 11 Ya jachule si Jesus ayo sija na pan ya anae janae si Yuus grasias, jaipie todo ayo y manaason; taeg�ijija locue ni y g�ijan sija, jaf taemanoja y minalago�ija.
- 12 Ya anae manjaspog ileg�a ni disipulu�a sija: Joca todo y dinidide ni y tetenjan, sa munga guaja malingo.
- 13 Ya jajoca todo, ya janabula dose na canastran dangculo ni y dinidide, dinididin y sincoja na pan sebada, y tejnan ayo sija y ma�ocho.
- 14 Ayo sija na taotao, anae jalie y se�at ni jafatinas si Jesus, ileg�ija: Este senmagajet na g�iya y profeta ni para umamaela gui tano.
- 15 � Ayo na tiempo jatungo si Jesus, na ufanmamaela para umacone pot minetgot, ya jafatinas y ray, tumalo guato gui un jalomtano g�ig�iyaja namaesa.
- 16 Anae esta pupuenge manunog y disipulu�a sija gui tase.
- 17 Ya manjalom gui un sajyan, ya manchinichile ni tase para Capernaum. Ya pago jomjom, ya si Jesus ti manfinatotoe sija.
- 18 Ya cajulo dangculo na napon pot rason un dangculo na manglo na manguaefe.
- 19 Ya anae esta manmamogsae gui tase calang bente sinco pot trenta estadio, malie si Jesus na mamomocat gui jilo y tase ya lumalajijot guato gui sajyan: ya manmaa�ao sija.
- 20 Lao g�iya ileg�a nu sija: Guajoyo; chamiyo fanmaa�ao!
- 21 Manmagof anae maresibe gui sajyan; ya ensiguidas mato y sajyan gui tano ni y jajananao g�e.
- 22 � Y inagpa�a na jaane, y linajyan taotao ni gaegue gui otro bandan tase, jalilie na taya g�ije mas na unoja na sajyan diquique, ya jatungo na si Jesus ti jumalom gui sajyan yan y disipulo�a sija, lao y disipulo�a sija esta manmapos sijaja;
- 23 (Ya manmato sija y sajyan diquique guine Tiberias, jijot g�ije na lugat anae ma�ocho ni pan, despues di y Se�ot janae si Yuus grasias.)
- 24 Ya anae jalie y linajyan taotao sija na si Jesus taeg�e g�ije, ni y disipulu�a sija; manjalom sija locue gui sajyan diquique, ya manmapos para Capernaum, maaliligao si Jesus.
- 25 Ya anae masoda gui otro bandan tase, ileg�ija nu g�iya: Rabi Ngaean nae mato jao g�ine?
- 26 Maninepe as Jesus ileg�a: Magajet ya magajet jusangane jamyo; na inaliligao yo, ti pot y liniimiyo ni se�at sija; lao pot y quinanomiyo ni pan, y ninafanjaspog jamyo.
- 27 Fanmachocho, munga para ayo y fafalingo na nengcano, lao ayo na nengcano y sumaga taejinecog na lin�l�, ni y Lajin taotao numae jamyo; sa g�iya sineyo ni Tata, si Yuus.
- 28 Enao mina ileg�ija nu g�iya: Jafa tafatinas, para utafatinas y checho Yuus?
- 29 Si Jesus manope ileg�a nu sija: Este y checho Yuus, na injenggue ayo y jatago.
- 30 Entonses ileg�ija nu g�iya: Jafa na se�at unfatinas para inlie, ya injenggue jao? Jafa chechomo?
- 31 Si tatanmame jacano y mana gui desierto, taemanoja y munjayan matugue; pan guine y langet manmanae para u jacano.
- 32 Ya ileg�a si Jesus nu sija: Magajet ya magajet jusangane jamyo, na ti si Moises numae jamyo ni pan guine y langet, si Tatajo janae jamyo ni magajet na pan guine y langet.
- 33 Sa y pan Yuus ayo y tumunog guine y langet, ya jananae lin�l� y tano.
- 34 Ayo nae ileg�ija nu g�iya: Se�ot naejam siempre ni este na pan!
- 35 Si Jesus ileg�a nu sija: Guajo y pan lal�l�; y mato guiya guajo, ti u�alang; ya y jumonggue yo, ti umajo para taejinecog.
- 36 Lao jusangane jamyo; na este inlie yo ya ti injenggue.
- 37 Todo y janae yo si Tata, ufato guiya guajo; ya ayo y ufanmato guiya guajo, gosmagajet na guajo ti si�a juyute g�e juyong.
- 38 Sa tumunog yo guine y langet ti para jufatinas y minalagojo, lao y minalago�a ayo y tumago yo.
- 39 Ya este y minalago�a ayo y tumago yo, na todo y janae yo ti si�a junafalingo taya, lao junacajulo g�e gui uttimo na jaane.
- 40 Ya este y minalagon Tata, na todo ayo y jalie y Laji�a ya jinenggue guiya g�iya, uguaja lin�l��a taejinecog; ya junacajulo g�e gui uttimo na jaane.
- 41 � Enaomina y Judio sija mamofea g�e anae jasangan: Guajo y pan ni tumunog guine y langet.
- 42 Ya ileg�ija: Ada ti g�iya este as Jesus lajin Jos�? si tata�a, yan nana�a tatungoja? Jafa pues muna ileg�a: Guajo tumunog guine y langet?
- 43 Si Jesus manope ya ileg�a nu sija: Chamiyo fanmanmofefea entre jamyo.
- 44 Taya si�a mato guiya guajo yaguin si Tata, ni tumago yo, ti quinene g�e; ya guajo junacajulo g�e gui uttimo na jaane.
- 45 Matugue esta gui profeta sija: Ya todo ayo sija ufanmafanag�e finanag�en Yuus. Enaomina cada uno ni jumungog y Tata ya jatungo y mafanag�e�a, ufato guiya guajo.
- 46 Munga yo na jusangan na guaja na taotao y esta jalie si Tata, lao ayo y mamaela guinin as Yuus, g�iyaja jalie si Tata.
- 47 Magajet ya magajet jusangane jamyo: Ayo y jumonggue yo guaja lin�l��a na taejinecog,
- 48 Guajo y pan y lin�l�.
- 49 Si tatanmiyo, jacano y mana gui jalomtano ya manmatae.
- 50 Estag�iya y pan ni tumunog guine y langet, para jaye y cumano g�e, ti umatae.
- 51 Guajo y lal�l� na pan ni tumunog guine y langet: yaguin guaja cumano este na pan, ul�l� para todo y tiempo; junggan ya y pan ni guajo mannae, guiya mismo catneco, na junae para lin�l� y tano.
- 52 � Managuaguat entre sija y Judio sija, ileg�ija: Jafa muna usi�a este na taotao unaejit ni catne�a para utacano?
- 53 Si Jesus pot an�o ileg�a nu sija: Magajet ya magajet jusangane jamyo: Yaguin ti incano y catnen y Lajin taotao, ya ti inguimen y j�g��a, taya lin�l� guiya jamyo.
- 54 Y cumano y catneco, ya jaguimen y j�g�jo, guaja lin�l��a taejinecog, ya junacajulo g�e gui uttimo na jaane.
- 55 Sa y catneco, g�iya y magajet na nengcano; ya y j�g�jo, g�iya y magajet na guimen.
- 56 Ayo y cumano y catneco, y jaguimen y j�g�jo, sumaga guiya guajo, ya guajo guiya g�iya.
- 57 Taeg�ine y Tata, ni lal�l�, janamamaela yo, ya guajo lal�l� pot si Tata; taeg�ineja locue y cumano yo, g�iya locue ul�l� pot guajo.
- 58 Estag�iya y pan ni tumunog guine y langet; ti parejo yan y tatanmiyo ni cumano y mana ya manmatae: y cumano este na pan ul�l� para taejinecog.
- 59 Este sija jasangan guiya sunagoga, parejoja yan anae mamanag�e guiya Capernaum.
- 60 � Enaomina megae gui disipulu�a sija anae majungog este, ileg�ija: Majetog na sinangan este; jaye si�a umecungog?
- 61 Si Jesus jatungo pot g�iyaja namaesa, na y disipulu�a sija mangogonggong pot este, ya ileg�a nu sija: Ninafa�atsaga jamyo nu este?
- 62 Jafa yaguin inlie y Lajin taotao cajulo anae gaegue antes?
- 63 Y espiritu mannanae lin�l�; y catne taya probecho�a: y sinangan sija ni jusangane jamyo, ayo espiritu, yan ayo lin�l�.
- 64 Lao guajo palo guiya jamyo na ti manmanjonggue. Sa si Jesus desde y finenana jatungoja jaye sija y ti ufanmanjonggue, yan jaye y uinentrega g�e.
- 65 Ya ileg�a: Pot este na rason jusangane jamyo: na taya si�a mato guiya guajo, yaguin ti ninae ni Tatajo.
- 66 � Ayo nae, megae gui disipolu�a sija manalo tate, ya ti ma�ija talo manjanao yan g�iya.
- 67 Ayo nae ileg�a si Jesus ni dose: Manmalago jamyo manjanao locue?
- 68 Ynepe as Simon Pedro: Se�ot, jayejam injanao g�e? Jago nae guaja sija y sinangan ni taejinecog na lin�l�.
- 69 Ya jame injenggue, ya intingo na jago Ayo na Santos na guine as Yuus.
- 70 Si Jesus jaope sija: Ti juayig jamyo dose, ya y uno guiya jamyo anite?
- 71 Ya jasangan pot si Judas Iscariote, lajin Simon: sa este y para uinentrega gae, uno gui dose.
Salmos

Mateo

Marcos

Lucas

Juan

Hechos
1

2

3

4

5

6

7

8

9

10

11

12

13

14

15

16

17

18

19

20

21
King James Version (kjv)

You should select one of your favourite verses.

This verse in combination with your session key will be used to authenticate you in the future.

Books

Chapters

Verses

This is currently the active session key.

Session Key

Should you have another session key from a previous session.
You can add it here to load your previous session.

Favourite Verse

Juan 6:

Juan 6:1

Active

Available Tags

Edit Tag

Create Tag

Juan 6:1